წარჩინებული კურსდამთავრებულები

     2014 წლის 30 იანვარს N1 საჯარო სკოლაში ქ.ქუთაისის საგანმანათლებლო რესურსცენტრის ხელმძღვანელობით საზეიმო ვითარებაში ჩატარდა 2012-2013 სასწავლო წლის წარჩინებულ კურსდამთავრებულთა დაჯილდოება ოქროს და ვერცხლის მედლებით. ქ.ქუთაისის N40 საჯარო სკოლა წარმოდგენილი იყო \++ა კლასის ორი  კურსდამთავრებულით: მარიამ დვალიშვილი - ოქროს მედალი, თინათინ ვეკუა - ვერცხლის მედალი (კლასის ხელმძღვანელი - დარეჯან ნემსაძე).

     ღონისძიებას ესწრებოდნენ იმერეთის მხარის გუბერნატორი ბატონი ზ. მეფარიშვილი, ქალაქის მერის მოვალეობის შემსრულებელი ბატონი შ.მურღულია, ქ.ქუთაისის საგანმანათლებლო რესურსცენტრის ხელმძღვანელი ბატონი ბ.ვაშაკიძე, სკოლის დირექტორები, პედაგოგები, მშობლები და თავად წარჩინებული კურსდამთავრებულები. შეკრებილ მოსწავლეებს წარმატება მიულოცეს გუბერნატორმა ზ.მეფარიშვილმა, ქ.ქუთაისის საგანმანათლებლო რესურსცენტრის ხელმძღვანელმა ბ.ვაშაკიძემ. სამადლობელი სიტყვით გამოვიდნენ N41 საჯარო სკოლის დირექტორი ბატონი გ.მარგველაშვილი და N40 საჯარო სკოლის მედალოსნები მ.დვალიშვილი და თ.ვეკუა. კურსდამთავრებულებმა მადლობა გადაუხადეს პედაგოგებს და მშობლიურ სკოლას. თავიანთი მედლები კი საჯაროდ კლასის ხელმძღვანელ ქალბატონ დარეჯან ნემსაძეს მიუძღვნეს!!!

                           ექსკურსია საქართველოს პარლამენტში

   

    2013 წლის 12 დეკემბერს მოეწყო ქ.ქუთაისის N40 საჯარო სკოლის |+++ა კლასის (ხელ–ლი: დარეჯან ნემსაძე) მოსწავლეების ექსკურსია საქართველოს პარლამენტში. ადგილობრივი გიდის დახმარებით მოსწავლეებმა დაათვალიერეს პარლამენტის შენობა, მიიღეს საინტერესო ინფორმაცია ნანახის შესახებ: პარლამენტის მშენებლობაზე, მუშაობაზე, სტრუქტურაზე. მოსწავლეებს გაესაუბრათ გარემოს დაცვის კომიტეტის თავჯდომარე ბატონი გია ცაგარეიშვილი. 2014 წლის იანვრიდან დაიგეგმა ბატონ გია ცაგარეიშვილთან  ახალი საქმიანი შეხვედრები და თანამშრომლობა. მოსწავლეებმა გადაიღეს სამახსოვრო ფოტოები პარლამენტარებთან: ქალბატონ ეკა ბესელიასთან, გია ცაგარეიშვილთან, სხვადასხვა ტელევიზიის ჟურნალისტებთან.იყო დასმული ბევრი საინტერესო შეკითხვა, რაზეც ქ–მა ნელიმ (გიდმა) ამომწურავი პასუხები გასცა ბავშვებს. მოსწავლეები აღაფრთოვანა ნანახმა. მიუხედავად იმისა,  რომ |+++ა კლასის მოსწავლეებმა თითქმის ყველაფერი დაათვალიერეს სხდომათა დარბაზის ჩათვლით, მათ შემდეგშიც კიდევ ისურვეს საქართველოს პარლამენტში სტუმრობა.

                                კონფერენცია „ლევ ტოლსტოი და ბავშვები“

     2013 წლის 10 დეკემბერს  \ და  \++ კლასის მოსწავლეთა ერთობლივი ძალებით ჩატარდა თეორიული კონფერენცია „ლევ ტოლსტოი და ბავშვები“, რომელიც მიეძღვნა დიდი რუსი მწერლის დაბადებიდან 185 წლისთავს. მოსწავლეებმა ამანდა კუპრავამ, ქეთი უფლისაშვილმა, თიკო ბარამიამ, მარიამ მამასახლისმა, თიკო გოგბერაშვილმა, მარიამ ღაჭავამ, ანა ფუტკარაძემ – \კლ. და თეონა რომელაშვილმა \++კლ. საინტერესოდ წარადგინეს მასალა, რომელიც ასახავს ლ.ტოლსტოის მიერ იასნაია პოლიანაში გლეხებისთვის უფასო სკოლის გახსნას, მასში მასწავლებლობას და ყველა იმ ეპიზოდს რაც მწერლის და ბავშვის ურთიერთობას ეხება. \ კლასის მოსწავლე ა.ფუტკარაძემ საკუთარი ძალებით გამოუშვა კედლის გაზეთი „ლევ ტოლსტოი და ბავშვები“.

     მოსწავლეებმა პედაგოგ დარეჯან ნემსაძის დახმარებით და ხელმძღვანელობით მოიპოვეს საინტერესო ვიდეო მასალა, მოამზადეს თემის შესაბამისი შთამბეჭდავი სლაიდ შოუ. კონფერენცია ჩატარდა კომპიუტერული ტექნიკის გამოყენებით. ღონისძიებამ დამსწრე პედაგოგების, მოსწავლეების და მშობლების დიდი მოწონება დაიმსახურა.

                                             დისკუსია

     2013 წლის 9 დეკემბერს ქ.ქუთაისის N40 საჯარო სკოლის ქართული ენისა და ლიტერატურის პედაგოგ ვალიდა კვირიკაშვილის ხელმძღვანელობით გაიმართა დისკუსია რევაზ ინანიშვილის „ჩიტების გამომზამთრებელის“ მიხედვით.

     პირველი აქტივობა იყო ნაწარმოების გაცნობა საზოგადოებისთვის. (პედაგოგის მიერ). შემდეგ კი ნოველის მიხედვით დაისვა კითხვები და გაიმართა მსჯელობა საკითხთან დაკავშირებით. გამოიკვეთა ძირითადი პრობლემა და მისი წარმომქმნელი მიზეზები. მსმენელებმა სხვადასხვა აქტივობებით გამოხატეს და არგუმენტირებულად დააფიქსირეს თავიანთი დამოკიდებულება მოცემულ საკითხზე.

     დამსწრეებს საშუალება ჰქონდათ თავიანთი აზრი გამოეხატათ თეზისძე „მე რომ ამ ოჯახის წევრი ვიყო“, სტიკერებზე დაეწერათ და გაეცნოთ აუდიტორიისთვის.

     ვფიქრობთ რომ ამ ნაწარმოებს დღესაც არ დაუკარგავს აქტუალობა და საზოგადოებისთვის უმნიშვნელოვანესი პრობლემა სამწუხაროდ ისევ ღიად რჩება.